Siling nila kun plano mo mag-avail sang buffet ukon eat -all-you-can promos sa mga restaurant, dapat magpagutom ka anay una agud damo ang imo makaon kag makapagusto ka lamon, DAPAT SULIT!!
Sa pungsod Germany, isa ka triathlete ang gin-ban sa isa ka eat-all-you-can sushi restaurant bangud sa sobra-sobra nga pagkaon sini.
Si Jaroslav Bobrowski ang nag-avail sang eat-all-you-can promo kaupod ang iya nga nobya sa diin nagbayad ang mga ini sang tig- 16 euros ukon kapin P900.
Ginaalegar maka-isa ka gatos ka beses nagbalik-balik si Bobrowski sa sushi corner.Diri ginpalapitan na siya sang waiter kag ginhambalan nga ini na ang iya ulihi nga kahigayunan magkaon sa restaurant.
Ang ini nga panggawi ni Bobrowski ang ginakabig sang restaurant nga maka pirdi sa ila negosyo bangud kay halos wala na sang may mabilin pa sa iban nga mga guests.
