Duha ka mga 19-anyos nga mga construction worker, patay matapos malumos sa isa ka suba sa Sitio Dumpsite, Barangay Buenavista, ciudad sang Himamaylan, las 7 kaina sang aga, Hulyo 10.
Ang mga biktima ang ginkilala sanday Andrew Cordero residente sang San Esteban, Brgy Zone-12, Talisay City kag Yantor Yanson, residente sang Barangay Felisa sa ciudad sang Bacolod.
Base sa inisyal nga imbestigasyon sang kapulisan, natukiban nga may upod pa nga duha ka mga lalaki ang mga biktima sang naligo ang mga ini sa sa suba.
Minuto ang makaligad, hinali lang nila nabatian nga nagapangayo sang bulig si Cordero bangud nabudlayan na ini mag butwa pa, didto nagsunod si Yanson agud i-rescue kun tani si Cordero apang pareho ang mga ini gin-anod sang sulog nga tubig.
Didto nagpangayo na sang bulig ang duha nila ka mga upod sa diin nagpatigayon sang search and rescue operations.
Las-10 y media na sang narekober ang mga lawas sang biktima.
