Nagnubo sang 85.4 percent ang mga kaso sang leptospirosis sa ciudad sang Bacolod sini nga 2024.
Base sa datos sang City Health Office (CHO) nga gin-release Miyerkules, Hulyo 10, naka-record lang sang pito ka kaso lakip na ang duha nga napatay umpisa Enero 1 tubtub Hunyo 29.
Mas manubo ini sa 48 ka kaso lakip na ang lima nga napatay sa pareho nga period sadtong 2023. Suno kay CHO Environment Sanitation Division head Dr. Grace Tan, wala sang barangay sa ciudad sang may clustering sang mga kaso sang leptospirosis.
Sa mga kaso subong nga tuig tig-isa ang na-record sa Barangay Pahanocoy, Felisa, Alijis, Punta Taytay, Vista Alegre, Mansilingan, kag Mandalagan samtang ang duha nga napatay ang gikan sa Barangay Pahanocoy kag Punta Taytay.
Pahayag ni Tan gaa isa sa mga rason sang komplikasyon sang amo nga balati-an amo ang delayed nga pagpakonsulta.
