Kada summer season, kanami gid mag chill kag magrelax sa dagat. Maghigda sa salbabida kag magpa utaw-utaw sa idalom sang init sang adlaw. May yara man sang iban, nga mas gina-enjoy ang night swimming.
Isa ka 58-year old nga Taiwanese ang maswerte pa nga nabuhi matapos nga makita ini sang isa ka bangka nga nagapa utaw-utaw sa tunga sang lawud sakay sa iya salbabida.
Si Hong Nan ang gin-rescue sang isa ka fishing boat matapos nga 19 ka oras na ini nagapa utaw-utaw gamit ang iya rainbow nga salbabida.
Gin-ako ni Hong Nan nga hubog siya sang nagpahunay-hunay siya sa salbabida kag bangud sa kadamuon sang iya nainum, nangin mu-ok man ang pagtulog sini.
Las 7 sang gab-i sang nagdisider siya maligo kag mag relax sa iya salbabida. Apang, nakibot na lng ini nga sang iya pagbugtaw pagka aga,indi niya na makita ang isla nga iya ginhalinan.
Dehydrated si Hong Nan sang gin-rescue ini.
Tuman man ang pagpasalamat sini sa mga nagsalbar sa iya.
