Nagbutang ang Disaster Risk Reduction and Management Office (DRRMO) sang Community-based Flood Early Warning System (CBFEWS) sa mga kasubaan kag creeks sa ciudad sang Bacolod.
Ang mga suba kag creeks nga ginbutangan sang CBFEWS amo ang Lupit River, Mandalagan River, Banago Creek, Mambuloc Creek, Magsungay River kag Sum-ag River.
Suno sa DRRMO, sa pagpahamtang sang CBFEWS para sa pag-monitor sang rainfall kag kadalumon sang tubig, madasig nga ma-notify sang sistema ang mga residente kag otoridad para sa nagakaigo nga response.
Ginahaylo sang DRRMO ang mga residente nga magpamati sa mga warnings nga gina-issue pinaagi sa nasambit nga sistema particular sini nga tig-ululan.
