Nataban ang masobra ₱30,000 nga balor sang kagamitan nga ginkawat sa BJC Ads sa Lizares Avenue sakop sang Barangay 39 ciudad sang Bacolod sang Hulyo 11.
Ang amo nga balaligyaan ang ginapanag-iyahan ni Bonifacio Santillan III. Base sa interview sang DYHB kay Police Major Elmer Bonilla, Station Commander sang Bacolod City Police Station 1, nakita sa CCTV footage nga isa ka lalaki ang nagsulod sa balaligyaan kag nagkawat sang mga charge, speaker, grinder, welding machine, kag iban pa.
Wala pa mahibaluan kun diin nag-agi ang suspetsado agod magpangawat sang amo nga nga kagamitan, bangod wala sang forcible of entry sa balaligyaan.
Sa karun may yara na sang person of interest ang mga kapulisan natuhoy sa amo nga insidente.
