Nepal- Missing ang masobra 60 ka mga persona matapos nga nagluntad ang landslide nga nagresulta sang pagkaanod sang duha ka bus sa suba sa Nepal.
Pila sa tatlo ka mga survivors nga nagpakigbahin sang tuman ka kululbaan nga eksperensiya kag pag-antos, isa sa ila ang nagsiling nga siya ang nahaboy sa bintana sang bus padulong sa suba.
Suno sa pahayag sang mga otoridad, nagluntad ang landslide bangod sang mabaskog nga pag-ulan sa lugar. Nagpanawagan ang Prime Minister sang pungsod nga si Pushpa Kamal Dahal sa tanan nga mga ahensiya sang gobyerno nga mag-upod sa ginapatigayon nga search and rescue operation.
Ang Nepal kag pila ka lugar sa South Asia, ang yara sa tunga sang tig-ululan kag naka-ekperensiya sang mabaskog nga pag-ulan sang nagligad nga mga semana, nga nagtuga sang pagbaha kag pagtiphag sang duta nga nakaapekto sa minilyon ka mga indibidwal.
