Naga-coordinate na ang Police Station 1 sa mga establisyimento sa palibot sang dalan Cuadra-Locsin sa ciudad sang Bacolod agod makakuha sang CCTV footage sa pagluthang sang menor-de-edad nga lalaki pasado las-3 sang aga, Hulyo 13, 2024.
Nahibaluan nga ang biktima ang isa sa mga nagkuha sa lima ka tuig nga bata nga babayi sa Purok Water Lily, Barangay Zone 10, sa Talisay City tinalikdan July 1 kag nakit-an sa La Salle Avenue, Barangay Villamonte sa Bacolod pagka-sunod nga adlaw.
Sa interview sang DYHB kay Police Station 1 Commander PMajor Elmer Bonilla, igo sang bala sa ulo ang gintuna-an sang kamatayon sang menor de edad. Isa ka basiyo sang bala sang 9mm ang
narekober sang mga kapulisan sa crime scene.
Nag guwa man sa inisyal nga imbestigasyon nga ginlabayan lang sang isa ka suspek ang biktima kag gin tiro, liw-as naman sa ginpahay sang testigo nga na interview sang DYHB nga sakay sa scooter ang suspek.
Ang biktima nga tumandok sang Barangay Singcang Airport kag ginapatihan may problema sa paminsaron.
