Madamo sa aton ang tuman gid ang pagkahadlok kun makakita sang man-og pero may iban man nga naka-hiligan na ang magsagud sini.
Isa ka Chinese nga lalaki ang gin-aresto matapos ini mdakpan nga nagtago sang kapin 104 ka mga buhi man-og sa China customs.
Sa pag-inspect sa lalaki, nakitaan ini sang man-og sa iya ginabit-bit nga anom ka mga bag kag pati na sa bulsa sang iya mga dilargo.
Ang nasiling nga mga man-og ang makabig pa nga exotic kaangay na lamang sang milk snakes, western hognose snakes, corn snakes, Texas rat snakes kag bullsnakes.
Apisar indi venomous ang ini nga mga man-og, apat ka sahi diri ang ginakonsiderar “alien” ukon hugot nga ginadumili-an sa China.
Pahayag sang customs authority nga may salabton sa layi ang nasiling nga animal trafficker.
Nahibaluan nga ang China ang ginakonsiderar nga isa sa “Animal Trafficking Hubs” sa kalibutan.
