Masobra 400 ka sako ukon sa 4,694 kilos sang basura ang nakuha sa kilid sang baybayon sang Brgy. 2, Bacolod City.
Ang coastal clean up ang ginpatigayon sang Sabado upod sa mga residente kag opisyales sang Brgy. 2 kag mga katapo sang Abang Lingkod Partylist.
Ang opisina sang Abang Lingkod ang naghatag sang isa ka kilo nga bugas kabaylo sang tagsa ka sako sang natipon nga basura.
Ang coastal clean-up ang ginapangunahan man sang Barangay Environment and Natural Resources Office (BENRO) kag Punong Barangay Emelda Banguanga kag kabahin ini sang pagtinguha nga malimpyuhan ang Mambulok Creek.
