Magapatigayon sang pila ka transport groups ang State of the Transportation Address (SOTA) bwas nga adlaw, Hulyo 15, 2024 sa atubangon sang Bacolod City Government Center (BCGC).
Ini ang pangunahan sang transport group nga Kabacod Negros Transport Organization ukon KNETCO. Suno kay KNETCO President Lilian Sembrano, antes las-7 bwas sa aga, magatipon na ang ila grupo sa BCGC.
Suno kay Sembrano upod ang iban pa ng transport groups, ila iga-ladlad ang mga kapaltahan sa implementasyon sang PUV modernization program sang gobyerno.
Upod sang KNETCO ang Undoc- Piston kag pila ka modernized jeepney operators nga nagsulod sa Modernization Program apang nagpangatubang sang problema.
Ang SOTA sang mga traditional jeepney operators sa Bacolod ang matabo isa ka semana antes ang State of Nation Address (SONA) ni Pangulong Fernand “Bongbong” Marcos Jr. sa Hulyo 22, 2024
