Mas ginpabakod pa ang seguridad sa Hofileña Museum matapos nakawatan sang Fernando Amorsolo Painting.
Suno kay Police Lt. Colonel Mark Anthony Darroca, hepe sang Silay City Police Station, nag-hire karon ang pamilya Hofileña sang blue guard nga magabantay sa gate sang museum kag nagbutang sang dugang nga duha pa gid ka CCTV.
Sa karon, naga-coordinate ang Silay CPS sa National Bureau of investigation (NBI) para sa pagpasaka sang kaso batok sa mga suspek nga nadakpan sa Quezon City nga nagtuyo magbaligya sang Mango Harvesters Painting ni Amorsolo.
Madumduman nga sang Hulyo 12, nadakpan sang NBI-Special Task Force ang duha ka mga suspek sa Tomas Morato, Quezon City.
Sa statement ni Director Jaime B. Santiago, ang NBI-STF ang nakabaton sang impormasyon gikan kay a certain “Atty. Ching” nga nagabaligya sang 1936 Mango Harvesters painting ni Amorsolo sa Quezon City sa balor nga ₱3.5 million.
Kasunod sini, nagpatigayon sang entrapment operation ang NBI sa pagpamuno ni Santiago.
