Madamo sang natandog ang balatyagon bangud sa ginpakita nga pag intyende kag pagka-luoy sang rider sa isa ka iloy nga nagakinahanglan.
Ginpakigbahin ni Haniel Steve Manuel ang mensahe sang isa ka iloy nga iya kun tani deliveran sang parcel matapos ini nagpakitluoy nga indi lang pag i-cancel ang parcel bangud kulang ang iya nga inug-bayad.
Sa conversation, ginpahayag ni Manuel nga posible niya ibalik sa ila opisina ang gin-order nga parcel kun indi pa gid ini makuha sang iloy nga nag-order.
Ini bilang pagsunod man sa order sang kumpanya sa ila. Diri nagpakitlu-oy ang iloy kag nagsiling nga kun mahimo, bayluhan niya lang siomai ang parcel bangud kulang pa ang benta sini kag kinahanglan niya gid ang item para sa iya naga-hapo nga bata.
Bangud sa kaluoy, gin-abisuhan sang rider ang iloy nga idul-ong niya na ang parcel kag bayaran niya na lang ini kun san-o ini maka kwarta.
Pila ka mga netizen ang nagdayaw sa rider bangud sa balatyagon sini sa nagakinahanglan. Kasubong man sa iloy nga sarang ubrahon ang tanan para sa iya anak.
