WORLD NEWS-Ginbasura sang hukom sa Florida ang kaso sang Justice Department nga classified documents batok sa anay Presidente sang Estados Unidos nga si Donald Trump, adlaw matapos ang tuyo nga pagpatay sa iya.
Suno kay Judge Aileen Cannon, gintugutan ang mosyon nga gin-file ni Trump nga ibasura ang federal case bangod isa sa nangin rason, amo ang ginapatihan paglapas sang Justice Department natuhoy sa pag-appoint kay Special Prosecutor Jack Smith.
Klaro katama suno kay Cannon nga ang ginhimo sang Justice Department ang paglapas sa Appointment Clause sang US Constitution.
Madumduman nag-file sang not guilty plea si Trump sa pila ka mga kaso nga may kaangtanan sa iya pag-uyat sang classified documents kabahin na ang pagtago niya sang national defense information, kun sa diin matapos ini nga nakita sa Mar-a-Lago resort ni Trump sa Florida sang tuig 2021.
