Ginpamatbatan guilty sang korte sa Tagum, Davao del Norte sanday ACT Teachers party-list Representative France Castro kag former Bayan Muna party-list representative Satur Ocampo sa kaso nga child abuse.
Sa 25-page decision sang Tagum Regional Trial Court Branch 2, si Castro, Ocampo kag 11 ka iban pa nga akusado ang guilty sa paglapas sang Section 10(a) of Republic Act 7610 or the Special Protection of Children Against Abuse, Exploitation, and Discrimination Act.
Sila ang ginpamatbatan sang anom ka tuig nga pagka-priso. Sila ang ginmanduan man sang korte nga magbayad, jointly and severally, P10,000 bilang civil indemnity kag P10,000 bilang moral damages sa tagsa ka menor de edad, nga may interest rate nga 6% per annum gikan sa finality sang decision tubtob sa full payment.
Gin-acquit naman sang korte sanday Pastor Edgar Ugal, Rev. Ryan Magpayo, Eller Ordeniza, kag Rev. Jurie Jaime bangud sa kapaslawan sang prosecution nga pamatud-an ang ila sala, beyond reasonable doubt.
Ini ang nag-ugat sa trafficking charge nga ginpasaka batok sa mga akusado bangud sang gina-alegar pag-hold sang mga ini sang mga menor de edad kadungan sang ila solidarity mission sa Talaingod, Davao Del Norte sang November 2018.
Sa joint statement nanday Castro kag Ocampo, ila gintawag ang desisyon nga unacceptable kag unjust.
