Kabankalan City – Ginkumpirmar ni Mayor Benjie Miranda nga tatlo ka mga empleyado sang City Government sang Kabankalan ang nag-positibo sa ginpatigayon nga drug test.
Suno sa alkalde, Martes sang nagligad nga semana sang nagpatigayon sila sang drug test sa 200 tubtob 300 ka mga empleyado nga assigned sa ila nga City Social Welfare and Development Office (CSWDO).
Suno kay Miranda, lunsay indi permanent employees sang ciudad ang nag-positibo sa paggamit sang ginadumilian nga druga nga ginalakipan sang job order kag casual employees.
Bangud sini, indi na pag-i-renew ang ila serbisyo sa ciudad. Kasunod sini, plano ni Miranda nga ipaidalom man sa drug test ang mga empleyado sa iban nga departamento sang ila nga ciudad.
