BACOLOD CITY- Lehetimo nga gin-issue sang Land Transportation Office ang driver’s license sang Indian National nga nagapanago kag gin-aresto sa isa ka subdivision sa bahin sang Barangay Taculing ciudad sang Bacolod bangod ini ang gina-alegar leader sang criminal syndicate ukon may kaso kreminal sa pungsod India.
Madumduman ang amo nga arestado kag ginpa-deport ang ginkilala nga si Joginder Geong alyas Joginder Geyong ukon Kant Gupta, 40-anyos ang edad.
Base sa interview sang DYHB kay Police Lieutenant Colonel Joery Puerto, Chief Investigator sang Bacolod City Police Office, valid kag authentic ang kapyot nga Driver’s License ni Geong sa pagtinir sa ciudad bangod ini ang gin-issue sadtong Marso 2022.
Nahibaluan nga Nepalese-Filipino ang passport sang Indian National kag nagpasa sang driving school certificate sa LTO.
Dugang pa ni PLt. Col. Puerto, wala sang pagasabton ang LTO sa pag-issue sang amo nga driver’s license bangod nakapasa sang husto nga requirement si Geong. Apang nagakabalaka ang mga kapulisan sa polisiya sang Bureau of Immigration kun paano nakasulod ang undesirable alien sa pungsod.
