Normal lang nga ma-burn out ikaw kun trabaho lang ang imo pirmi gina-atubang. Kung ka-isa, kinahanglan ta gid sang pahuway kag bakasyon.
Indi kaangay sa Isa ka italyana ang gin-akusahan matapos sini ginpeke ang pagbusong indi lang maka-isa, duha, lima ukon pulo ka beses pero, 17 times!
Si Barbara Loele ang ginpreso sa sulod sang isa kag tunga ka tuig matapos matukiban ang pagpakuno-kuno sini busong sa sulod sang duha ka dekada agud makakuha sang maternity leave.
Sandig sa record, nanindugan ini nga may lima siya ka mga kabataan kag 12 ka miscarriages sa sulod sang 24 ka tuig.
Bangud sini, nakakolekta si Loele sang 110,000 euros ukon masobra P7 million nga maternity allowance.
Ang lima ka mga ginbun-ag nga mga kabataan ni Loelle ang ginpangalanan pa sini nga sanday Benedetta, Angelica, Abramo, Letizia, kag Ismaele. Problema lang, wala sang may makapamatuod nga naga-exist ang ini nga mga bata.
Ang mismo partner ni Loelle ang nagpahayag nga wala nakaagi busong ang iya asawa.
Apisar madamo na sang ebidensya sa pagbinutig ni Loelle, hugot ini sa gihapon nagapanindugan nga inosente siya sa kaso.
Nagpangatubang si Barbara sang pagka-preso bangud sang financial fraud, identity fraud, kag iban pa.
