WORLD NEWS -Nagmando ang Bangladesh nga ipasiraduhan ang mga buluthuan kag unibersidad sa kabug-usan nga pungsod, matapos nga nagtaliwan ang anum ka mga persona sa nagluntad nga kinagamo sa tunga sang protesta natuhoy sa mga quota sa mga trabaho sa gobyerno.
Ang mga high school, university, kag Islamic seminar ang ginsilingan nga magpabilin nga sarado mintras wala sang mando nga pagbalik sang operasyon pagkatapos sang mga semana sa nagaduging nga mga demonstrasyon batok sa civil service hiring policies.
Nagluntad ang kinagamo sa tunga sang mga demostrador kag pro-government nga mga grupo sang estudyante nga gin-atake ang isa kag isa gamit ang bricks kag bamboo rods.
Nagamit naman sang tear gas kag rubber bullets ang mga kapulisan sa paghagan hagan sang kinagamo.
