Sin-o bala nga ginikanan ang indi malipay kun ang imo ginbun-ag nga baby, healthy kag wala sang deperensya sa lawas.
Kaangay na lamang sa isa ka baby sa Ontario, Canada.
Si baby Sonny Ayres ang nagabug-at sang 14.8 pounds, doble ang kabug-aton kun ipaanggid sa average weight sang isa ka new born baby.
Tuman ang kalipay kag kakibot sang mga ginikanan sini nga sanday Chance kag Britteney Ayres bangud sa healthy baby.
Ginpaidalum pa sa caesarean session si Britteney bangud sang kadakuon ni baby. Si Sonny ang ika-lima na nga bata sang mag-asawa.
Nahibaluan man nga duha sa mga magulang ni Sonny ang sadto nagabug-at man sang 13 pounds sang sila ginbun-ag.
Base sa record sang Centers for Disease Control and Prevention’s National Center for Health Statistics, yara sa 7.2 tubtob 7.6 lang ang average weight sang isa ka full-term baby.
Sandig naman sa record sang Guinness book of world records, nahibaluan nga 22 pounds ang pinakabug-at nga baby nga na-record sa history.
Ang nasiling nga baby ang ginbata sa Ohio sadtong January 19,1879 apang nagtaliwan ini 11 ka- oras matapos ini ginbata.
Sa kabilugan, kun umpisa 2010 lang nga record ang basihan, si Sonny ang pinakadako nga new-born baby sa kalibutan.
