NEGROS OCCIDENTAL- Nagdangat sa kapin ₱130,000 ang balor sang kahalitan nga nagluntad sa Purok 1 Barangay Dancalan banwa sang Ilog pasado las-3 sang hapon, samtang sa seperado nga kapareho nga insidente nagdangat sa kapin ₱45,000 ang balor sang kahalitan sa Sitio Catamnan III, Brgy. Concepcion sa ciudad sang Talisay pasado las-2 sang hapon adlaw sang Miyerkules, Hulyo 17.
Base sa rekord sang Ilog Bureau of Fire Protection totally damage ang duha ka balaligyaan, isa ka motor shop, kag isa ka puluy-an, samtang partially damage naman ang isa ka balaligyaan nga lunsay mga human sa light materials.
Santo naman sa rekord sang Talisay City Bureau of Fire Protection, ginapanag-iyahan ni Mario Triana ang nasunog nga balay.
Padayon pa sa karun ang imbestigasyon sang mga BFP personnel sa gintunaan sang duha ka seperado nga sunog.