Tuman ang kalipay sang AI technician sang Municipal Agriculturist Office (MAO) sang banwa sang Moises Padilla nga si Paul Nartleb A. Beltran bangod nagbata sang kapid nga tinday ang karbaw nga ginserbisyuhan sini paagi sa Artificial Insemination.
Ang kapid nga tinday ginbun-ag nakaligad nga Marso 4, 2024.
Ang ini nga proyekto ang ginpangunahan sang Department of Agriculture– Philippine Carabao Center (DA – PCC) kag nangin posible bangod sa mga gin-train nga village– based technicians (VBAITs), mga technicians sang local government units (LGUs), kag DA – Regional Field Offices (DA – RFO) sa DA – PCC regional centers.
Malipayon kag nagapasalamat man si Charlie D. Ortalisa, ang carapreneur nga nagapanag-iya sang karbaw kag ang ginabuligan sang DA – PCC sa La Carlota Stock Farm bangod sa pinasahi nga grasya nga iya nabaton.
