Kinahanglan nga magbayad sang 10% sang ila nga arrears ang mga tenants sang Manokan Country agud nga maka-operate sa terminal hub sang SM Bacolod bilang ila temporaryo nga pwestohan.
Sa interview sang DYHB kay Bacolod City Councilor Vladimir Gonzalez, ginpahayag nga subong nga adlaw iya igahatag sa pila ka mga tenants sang Manokan Country ang ila tagsa ka arreast agud masugudan na nila bayad ang ila mga account.
Dugang pa sang konsehal, dapat nga mabayaran sang mga tenants ang 10 % sang ila arrears bangud ini ang gin-require sang city treasurer’s office samtang ang nabilin nga 80% ang sarang nga mabayaran sa sulod na sang 18 ka bulan kon hinali makasaylo na sila sang pwesto.
Madumduman nga ginpahanugutan sang ciudad sang Bacolod nga magbukas ang Manokan Country tubtob Agosto 19, agud may yara ang mga tenants sang malawig nga tion agod maka-plastar, kag indi maapektuhan ang ila nga negosyo samtang naga-panghimus sang ila mga gamit sa SM.
Padayon naman sa karon ang pakigsapol sang konsehal sa pamunuan sang SM angot naman sa mga dugang nga tent para sa extension sang mga inasal sa dalan.
