Kinahanglanon ang special election agod pun-an ang posisyon ni Sonny Angara matapos ini nag-resign bilang senador.
Sa interview sang DYHB kay Atty. Cesar Beloria Jr., santo sa konstitusyon, wala sang rule of succession kag appointment ang Kongreso sang pungsod gani kon mag-resign ang isa ka elected official mabakante ang posisyon sini.
Suno kay Beloria, kon luyag sang Senado pun-an ang posisyon ni Angara dapat nga magpatigayon ang Commission on Elections (Comelec) sang special election kon ini ang may pondo.
Apang suno kay Beloria, kon practicality ang hambalan, indi na paghimuon sang Comelec ang special election ilabi pa nga malapit na ang 2025 midterm election kag manugtapos naman ang termino ni Angara.
Sa bahin naman sang mga pending bills nga gin-author ukon gin-sponsor ni Angara, mahimo ini padayunon sang iya mga co-authors kag co-sponsor, suno kay Beloria.
Sa nahibaluan nga si Angara ang nag-resign sa pwesto matapos nga ini ang gin-appoint bilang bag-o nga tiglikom sang Department of Education (DepEd) kag bwas, Hulyo 19, opisyal na ini nga magapungko sa pwesto. I ABS-CBN photo
