LA CASTELLANA- Ginpahanugutan na nga magpanguma ang mga nabilin nga evacuees sa evacuation facilities nga nahamtang sa mga Barangay hall nga nangin apektado sa paglupok sang Mt. Kanlaon ilabi na ang yara sa 4 kilometers danger zone sa bahin sang La Castellana.
Base sa pahayag ni John De Asis, head sang La Castellana Disaster Risk Reduction and Management Office, nagapabilin nga 15 ka mga pamilya ukon 50 ka mga indibidwal nga evacuees nagikan sa Barangay Masulong kag Biak na Bato ang nagatinir sa tagsa ka mga Barangay hall.
Nagbalik na ang pagpanguma sang mga pumuluyo sa lugar bilang ila nga palangabuhian apang pagkagab-i, sila ang nagabalik sa evacuation facility.
Aminado ang DRRMO, nga indi tuman kadako ang pag-suporta sang Local Government Unit sa palangabuhian sang mga apektado nga mga pumuluyo.
Samtang nagapabilin nga yara sa Alert Level 2 ang bulkan.
