May bag-o na nga commander ang Coast Guard Station (CGS) Northern Negros Occidental.
Kahapon, si Commander Jansen Benjamin ang ginbutang bag-o nga tagpamuno sang CGS Northern Negros bulos kay Commander Paterno Belarmino. Si Belarmino ang iga-assign sa PCG national headquarters. Madumduman nga bulan lang sang Marso sini nga tuig sang ini ang ginbutang man commander sang CGS Northern Negros.
Samtang sa karon, duha na ang gina-uyatan nga posisyon ni Benjamin, magluwas sa CGS Northern Negros, siya man ang commander sang PCG Search and Rescue nga naka-base naman sa Hinoba-an.
Sa iya pagpungko sa pwesto, ginpasalig ni Benjamin nga mangin visible ang mga coast guard personnel para mahapos ang pagpalapit sa ila sa tion sang mga search and rescue operations.
