WORLD NEWS- Halos sa mga institution sa bilog nga kalibutan lakip na ang mga bangko, media outlets, airlines kag iban pa, ang nag-report nga sila ang nalakip sa mass IT outage.
Nag-abiso ang Alaska, United States bangod apektado ang mga emergency services sini, samtang pila ka mga airlines sang pungsod ang nagpatigayon sang “grounded flights” kun sa diin madamo ang naga-report sang pagka-delay sang ila nga take off ukon biyahe.
Samtang sa Australia, isa sa mga nangin pinaka-apektado sa amo nga insidente; nakita nga ang mga broadcast network ang naga-scramble, resulta sang systems failed; kag ang mga supermarket ang nagpangatubang man sang systems error.
Indi pa mapat-od sa karun kun ano ang gintunaan sang outage, apang halos sa mga apektado amo ang na-linked sa Microsoft PC operating systems.
Base sa post sang Microsoft 365 service sa X, sila ang nagapatigayon sang imbestigasyon natuhoy sa amo nga nga issue nga nag-apekto sa mga users nga maka-access sa Microsoft 365 application kag services.
Dugang pa sang spokesperson sang Microsoft, amat-amat na nga narekober ang ila tagsa ka mga services.
Suno naman sa spokesperson sang Australia’s Home Affairs Minister, ang outage ang may kaangtanan sa isa ka isyu sa global cybersecurity firm nga Crowdstrike, kag ang cybersecurity watchdog sang pungsod nagsiling nga wala sang impormasyon nga nagapakita nga ini isa ka pagpang-atake.
