Naga amat-amat na sa karon damo ang mga nagapalapit sa Commission on Elections (COMELEC) Bacolod agud magparehistro.
Sa interview sang DYHB kay COMELEC Supervisor Atty. Kathrina Trinio Caña, ginpahayag sini nga ila na obserbahan ang pagdamo sang mga tawo nga nagaparehistro sa ila opisina sa diin kalabanan diri mga estudyante.
Madumduman nga nakaligad lamang ng Hulyo 15-17, ginsuspende sang COMELEC ang pagpatigayon sang voter’s registration bangud kinahanglan sang opisina mag-focus sa Election Registration Board (ERB) hearing.
Pinaagi sini, diri mahibuluan sang COMELEC kun bala ila iga-approve ukon i-disapprove ang mga voter’s application.
Sa tatlo ka adlaw nga hearing, kapin 8,000 ka mg application para sa voter’s registration ang gintutukan sang COMELEC Bacolod.
Sa gihapon, padayon ang panugyan sang opisina ng magparehistro sang temprano agud indi na magpagutok pa sa linya maglapit ang September 30 nga deadline sang registration.
