Pagatukuron na sa barangay Bata, ciudad sang Bacolod, ang bag-o nga township nga gintawag “Saludad.”
Ginpatigayon kahapon nga adlaw, Hulyo 19, ang groundbreaking ceremony sang amo nga proyekto sa pagpanguna sang Philippine Investment Management (PHINMA) kag iban pa nga local partner nga JEPP Real Estate Co.
Ini ang nagalapad sang 21 ektarya nga gindesinyo agud makahatag sa mga pumuluyo sang isa ka pinasahi kag mas maayo nga eksperyensya pamaagi sang moderno nga mga pasilidad.
Ginpahayag naman ni Raphael Felix, president kag chief executive officer sang Phinma Properties, nga ang amo nga proyekto ang indi lamang sa pagpauswag sang mga puluy-an sa mga pumuluyo apang naga-align ini sa tinutuyo ni Mayor Albee Benitez nga mangin isa ka “super city” ang ciudad.
Dugang pa, ginalauman manan nga matapos ang una nga phase sang proyekto sa Disiembre 2025 kag ang second phase sa tuig 2028.
| photos of BCD PIO
