Nagdangat sa 140 ka mga rice mills ang napanagtag na sang Department of Agriculture (DA) sa mga
farmer cooperatives and associations (FCAs) sa idalom sang rice competitiveness enhancement fund (RCEF).
Suno sa DA, ang Philippine Center for Postharvest Development and Mechanization (PhilMech) amo ang nagpanagtag sang rice mills sa bug-os nga Pilipinas halin sang 2019 sang gintukod ang RCEF paagi sa rice tariffication law.
Sa idalom sang RCEF, ang PhilMech ang may yara sang annual funding nga P5 billion para sa pagbakal kag pag-distribute sang nagkalain-lain nga farm machinery, lakip na rice mills agud ma-modernize ang local rice production kag mapadako ang income sang mga mangunguma.
