WORLD NEWS – Nagpakita sang supporta ang pila ka mga world leaders matapos nga gin-anunsiyo ni US President Joe Biden nga indi na magpadalagan bilang presidente sa palaabuton nga eleksyon sa Nobyembre 2024 sa Amerika.
Nagdesisyon si Biden nga iisol ang iya nga kandidatura bangod sa request sang iya partido nga indi na lamang magpadayon, amo nga maga-focus na lamang ang presidente sa mga binulan nga nabilin sa iya na termino.
Gin-endorso sang presidente si Vice-President Kamala Harris nga magabulos sa iya nga posisyon sa pagka-presidente sa eleksyon.
Madamo sang mga kaalyado ni Biden ang naghatag sang tribute sa iya nangin foreign policy achievements kag pagkilala sang kabudlayan niya sa nangin desisyon.
Pila sa mga nagpakita sang suporta sa presidente amo nanday Germany’s Chancellor Olaf Scholz, United Kingdom Prime Minister Keir Starmer, Canada Prime Minister Justin Trudeau, Poland Prime Minister Donald Tusk, kag iban pa.
