WORLD NEWS- Nagdangat sa kapin anum ka mga persona ang nadulaan sang kabuhi matapos nga nagsulod kag nagpangluthang sa nursing home ang isa ka gunman sa Craotia.
Una na nga napatay ang lima ka mga empleyado sa lugar sang insidente, samtang nadulaan sang kabuhi ang isa sa ospital.
Suno sa mga otoridad, pila ka mga persona ang pilason, kag apat ang yara sa karun sa kritikal nga kondisyon.
Gilayon nga nagpalagyo ang suspetsado matapos ang krimen, apang natigayon nga nadakpan sa isa ka cafe sa lugar, kun sa diin narekober sa iya ang isa ka illegal nga armas luthang.
Wala pa naghatag sang impormasyon ang otoridad kun ano ang motibo sa pagpang-atake.
Nahibaluan nga yara kapin 20 ka mga persona ang nagatinir sa nursing home sang nagluntad ang amo nga insidente.
Base sa pahayag ni Zoran Milanovi, presidente sang Croatia, nga iya ginkakibot ang amo nga mass shooting sa lugar.
