Isa ka 22-anyos nga Malaysian
ang nagpamatuod sang hambalanon nga “Age doesn’t Matter” matapos sini ginpakaslan ang iya 48 anyos nga anay manunudlo.
Istorya ni Muhammad Danial Ahmad Ali nga 2016 pa lang nakahibalo na siya nga mangin future wife niya si Jamilah Mohd bisan pa naga eskwela pa lang ini.
Apisar indi pa tanto ka seryoso ang nabatyagan sini sadto apang pahayag ni Muhammad, nakitaan niya sang pamatasan nga makabig “wife material” si Jamilah.
Pagkatapos sang graduation, nautod na ang komunikasyon sang duha.
Apang sang nakita sini sa facebook si Jamilah, gin-add niya ini gilayon kag timing man birthday ni Jamilah amo kun ngaa gin-greet niya nalang ini dayon kag diri na nagsugod ang ila nga pagbayluhanay sang mensahe.
Samtang nagalawig ang pag istoryahanay sang duha, nagadalom man ang ginabatyag ni Muhammad kag nag disider ini nga mag-confess, gin-reject ini ni Jamilah bangud sang ila nga 26-year age gap, pero wala gid nag-untat si Muhammad.
Apisar sang madamo nga rejection kag mabudlay kuhaon ang buot ni Jamilah, wala nagdugay, napa-huo gid man niya ini.
Sa bulig sang ila pamilya, nagplano nga magpakasal ang duha sang 2019 apang gin-isol ang kasal sa 2021 bangud sang pandemya.
Panindugan ni Muhammad nga age is just a number kag nakahanda ini nga himuon ang tanan agud nga tindugan ang responsibilidad sang isa ka maayo nga bana.
Nahibaluan nga bulag si Jamilah sa iya una nga bana antis ini liwat nga nagpakasal kay Muhammad.
