WORLD NEWS- Naga-isahanon nga naluwas sa trahedya ang isa ka piloto matapos nga nagluntad ang plane crash kag pagkasunog sang eroplano sa Kathmandu, Nepal, adlaw sang Miyerkules, Hulyo 24.
Samtang 18 ka mga sakay sang eroplano ang nadulaan sang kabuhi sa amo nga trahedya samtang naga-take off ang eroplano.
Yara sa karun sa ospital ang piloto para sa nagakaigo nga pagbulong.
Nahibaluan nga yara sa 19 ka mga persona ang sakay sang Saurya Airlines para sa isa ka test flight, sakay sang amo nga eroplano ang mga technical staff members kag duha ka mga crew members.
Ang Nepal’s aviation industry ang indi maayo ang rekord natuhoy sa seguridad, bangod pila sa mga nangin factor sa nagluntad nga kaangay sini nga insidente amo ang indi mahibaluan nga lakat sang panahon pakadto sa lax regulation.
Suno sa Airport Chief nga si Jagannath Niraula, natabo ang amo nga insidente, wala pa naisahan ka minuto nga paghalin sang eroplano.
Wala pa nakapagwa sang statement ang otoridad kun ano ang gintunaan sang aksidente.
