Iga-release na sini nga Lunes Hulyo 29 ang chalk allowance sang mga manunudlo sa pampubliko nga mga eskwelahan sa Pilipinas suno kay Education Secretary Sonny Angara.
Ginpahayag ni Angara nga sarang makabaton sang tag-P5,000 nga chalk allowance ang tagsa ka mga public school teachers sini nga tuig.
Nahibaluan nga ini ang first time nga mabatunan sang mga manunudlo ang nasiling nga allowance nga tax free ukon wala sang kaltas.
Ang ini nga kwarta ang magamit sang mga manundulo sa pagbakal sang ila mga kagamitan sa pagtudlo kag iban pa nga kakinahanglanon sa sulod sang classroom.
