Ginpasakaan na sang kaso nga murder ang suspek nga nagbuno-patay sa isa ka barangay kaawad sa Brgy. Canjusa, Pulupandan.
Suno sa Pulupandan Municipal Police Station, las-4:40 sang kaagahon sang Hulyo 21, 2024 sang gin-alegar ginsulod sang suspek nga si Gino Tormo sa kwarto sini kag ginbuno ang biktima nga si Fernando Jacido, 66-anyos sa Purok Maalikaya, Brgy. Canjusa.
Ginbuno ang biktima sa iya nga liog, dughan kag ilok. Nabatian pa sang bata sang biktima ang pagsinggitan sang iya amay. Nadala pa sa Valladolid District Hospital ang biktima apang ini ang gineklarar nga dead on arrival.
Madugay na nga indi pag-intsiendihanay sang suspek kag biktima ang ginatudlo motibo sa krimen. Si Jacido, magluwas nga kagawad, isa man ini ka security guard.
