Isa ka babayi sa United Kingdom nga una nagpakuno-kuno may kasablgan sa lawas pra makakuha sang disability claims ang natukiban nagbutig matapos nahibaluan ga partisipar ini sa marathon.
Si Sara Morris ang una na nagpakilala nga nagabatyag ini sang Multiple Sclerosis halin pa sang 2005 kun sa diin nakakuha ini sang $25,800 ukon P1.5 million nga claims
Ang balatian nga Sclerosis ang isa ka chronic disease nga nagaapekto sang central nervous system sang tawo sa diin indi maayo makakita, makahambal kag makalakat ang nagabatyag sini.
Pahayag pa ni Sara sang siya nagkuha sang claim nga halos indi siya makagiho kun wala sang bulig ukon alalay bangud sa iya ginabatyag.
Apang daw nalipat si Sara nga nagabinutig ini kag nagpost pa sa social media nga nagpakigbahin ini sa isa ka running event.
Gilayon gin aksyunan sang Department Works and Pensions (DWP) ang pagpanginto ni Sara amo kun ngaa ginpa imbestigahan nila ini.
Nahibaluan nga kapin 73 na ka mga race halin May 2019 tubtob December 2022 ang naintrahan sini.
Bangud sa iya pagbinutig, ginpriso si Sara sulod sang walo ka bulan.
