Nagahingyo si Councilor Kalaw Puentevella sa mga Bacolodnon nga magbinuligay sa pagtapna sang dengue ilabi na sa pagbukas sang klase.
Ini ang kasunod sang pagdangat na sa 229 sang dengue cases sa Bacolod as of July 6, 2024. Suno sa chairman sang Committee on Health sa Sangguniang Panlungsod, halos dalagkuan sang mga barangay sa ciudad ang mga double digit cases sa diin nagapanguna ang Taculing nga may yara na sang 36.
Si Puentevella ang nagpasar man sang resolusyon nga nagapanawagan sa ma manunudlo, school superintendent kag ginikanan nga magpanglimpyo particular na sang mga stagnant nga tubig.
Santo sa datos sang City Health Office (CHO) as of July 6, ang Brgy. Granada ang may yar ana sang 16 cases; 15 ang Mansilingan kag Banago; 13 ang Bata; 11 sa Cabug; 10 sa Sum-ag, Estefania kag Villamonte. Samtang may yara naman sang tag-9 cases ang Brgy. Tangub; Alijis, Mandalagan kag Vista Alegre
