Kaangay sa isa ka teleserye ang pagkitaay sa una nga kahigayunan sang isa ka lalaki nga Chinese kag sang biological parents sini.
Si Zang ang ginkidnap sang tuig 1991 sang doktor nga nagpabata sa iya iloy kag ginhatag ini sa mag-asawa nga nabudlayan makabata.
Bangud premature si Zang, dasig nga ginpatihan sang biological parents sini nga napatay ini sang ginbun-ag siya.
Makaligad ang 33 anyos, gin-ako sang adoptive mother ni Zhang nga ampon lang ini.
Una na nga nagtaliwan ang amay nga gindak-an ni Zhang amo kun ngaa nahadlok ang adoptive mother sini nga mag-isahanon si Zhang kun mapatay man siya.
Sa bilog nga kabuhi ni Zhang, nagbaka-baka ini trabaho para makakaon kag makabulig sa iya gindak-an nga ginikanan.
Liw-as sa ihibalo ni Zhang nga ang tuod sini nga ginikanan ang isa gali ka milyonaryo. Pinaagi sa DNA test, napamatud-an nga si Zang gid man ang anak sang mga ini.
Sa ila una nga pagkitaay, gintagaan gilayon si Zhang sang iya biological parents sang 1.2 Million Chinese Yuan ukon kapin P9 million.
Wala pa karon ma disisyunan sang tuod nga ginikanan ni Zhang kun bala kasuhan sang mga ini ang doktor kag ang adoptive parent sang ila anak.
