Gindala na sa hospital sa ciudad sang Bacolod ang isa ka lalaki nga ginluthang sa Hacienda Mekayla, Brgy. Talotog, Murcia, las-5:50 sang hapon, Hulyo 26, 2024.
Ginkilala ang biktima nga si Rommel Peña, 52-anyos kag may asawa. Sa impormasyon nga nakuha sang DYHB sa Murcia Municipal Police Station, nagalakat ang biktima sang ginluthang sang suspek nga naka-bonnet. Matapos ginluthang ang biktima, nagpalagyo ang suspek sakay sa motorsiklo.
Suno sa impormasyon, temprano nga ginbantayan sang suspek ang biktima sa kilid sang dalan sa diin ini ginluthang. Igo sa dalom sang tuo nga dalunggan ang naangkon sang biktima sa diin gingamit sang suspek ang cal. 38 revolver.
Suno naman kay Punong Barangay Edgar Daquipil sang Brgy. Cansilayan, nagatrabaho sa manokan ang biktima. Sang nagligad man nga bulan, gin-ambush ang biktima, mga 30 metros ang kalayuon sa diin ini ginluthang kaina sang hapon.
Ang lugar sa diin ginluthang si Peña kaina sang hapon, ang boundary sang Brgy. Talotog kag Cansilayan.
