Nagtaliwan na ang miyembro sang Special Weapons and Tactics Team sang San Carlos City Police Station matapos nga gina-alegar aksidente nga natiruhan ang kaugalingon gamit ang service firearm nga 9mm pistol, sadtong Hulyo 21, sa bahin sang Barangay Rizal, sa amo nga ciudad.
Base sa pahayag ni Police Lieutenant Colonel Nazer Canja, naglawig pa ang amo nga biktima sa ospital apang nadulaan sang kabuhi sang Sabado, Hulyo 27.
Madumduman, santo sa inisyal nga imbestigasyon sang mga kapulisan, gina-alegar nga samtang naga-istoryahanay ang biktima kag nobya sini, nahulog ang armas, amo nga ginpulot ini sang iya nobya, kag gilayon nga ginkuha sang biktima.
Ginapatihan nga loaded ang armas, amo nga pagkuha sang biktima sang armas sa iya nobya, gina-alegar nga aksidente nga na-pull sang biktima ang trigger nga nagresulta sa pagkaigo sa iya nga sag-ang.
