NEGROS OCCIDENTAL- Temporaryo nga maga-untat sa pagbaton sang mga pasyente ang Alfredo E. Marañon Sr. Memorial District Hospital (AEMSMDH) sa ciudad sang Sagay, kag Cauayan District Hospital, sumugod sadtong Sabado, Hulyo 27.
Nagpagwa sang abiso ang duha ka mga ospital nga indi sila temporaryo makabaton sang mga pasyente bangod sa pagtaas sang numero ka mga pasyente nga nagapadulong sa ospital kun sa diin ang Emergency Room kag tanan nga mga wards ang puno na ukon nalambot na ang full bed capacity.
Nagapanawagan ang management sa publiko nga magpangita na lamang sang iban nga alternatibo nga ospital.
Apang bukas sa gihapon ang ospital nga mag-cater sa mga pasyente nga makabig nga may “extreme cases.”
Gilayon naman nga maga-update ang ospital kun may pagbag-o sa sitwasyon. I I Love Sagay photo
