Yara pa lang sa 60 percent ang encoded number of enrollment sini nga school year sa Negros Occidental.
Suno kay Department of Education (DepEd) Division of Negros Occidental Spokesperson Ian Arnold Arnaez, amo pa lang ini ang numero nga nagsulod sa ila ginagamit nga sistema. Aminado si Arnaez nga may yara pa sang mga eskwelahan particular na sa mga malayo nga lugar nga wala pa naka-encode sang number of enrollees.
Sang 2023-2024 school year, yara sa 325,000 ang numero sang mga enrollees sa DepEd Division of Negros Occidental. Samtang sa pagbukas sang klase kahapon, aminado si Arnaez nga may yara sang mga estudyante nga wala pa nag-eskwela.
Suno sa opisyal, typical ini nga pamatasan sang mga estudyante particular sa mga ginikanan nga nagasiling nga wala pa naga-klase sa opening mismo sang school year.
