Literal nga “‘til death do us part” ang nangin istorya sang anay Prime Minister sang Netherlands kag sang asawa sini bangud ila ginhungod nga dungan mapatay.
Si former Netherlands prime minister Dries van Agt kag asawa sini nga si Eugenie, ang nag disider nga maga updanay ini sa gihapon bisan sa pihak nga kabuhi apisar masobra pito ka dekada man naglawig ang relasyon sang mga ini.
Sa edad nga 93-anyos ginpili sang mag asawa nga mapatay pinaagi sa duo euthanasia .
Makabig nga isa ka growing trend sa pungsod Netherlands ang duo Euthanasia sa diin may consent halin sa nga pasyente nga utdon ang ila sini kabuhi pinaagi sa makamamatay nga bulong agud mag untat na ang ila pag-antos.
Nahibaluan nga pareho na may ginabatyag sa ila lawas ang duha sa diin nagapang luya na ang mga ini.
Ginpahayag nga naga-uyatay pa sila sang kamot sang iya pinalangga nga asawa sang sila ang nadulaan sang ginhawa.
Sandig datus, 26 ka mga mag-asawa ang ginsugtan mapatay pinaagi sa duo euthanasia sang 2020, 32 sang 2021 kag 58 sang 2022, tanan ginpatigayon sa pungsod Netherlands
