WORLD NEWS- Patay ang duha ka mga kabataan kag siyam ka iban pa ang pilason sa nagluntad nga pagpamuno samtang nagapatigayon sang dance workshop sa England.
Anum sa siyam ka mga pilason ang yara sa kritikal nga kondisyon sa mga kabataan, kadungan ang duha ka mga adult nga nagproktekta sa mga kabataan.
Natabo ang insidente samtang ginapatigayon ang Taylor Swift-themed event sa Hart Street sa bahin sang Southport.
Isa ka 17-anyos nga lalaki ang gin-aresto sa posibilidad nga may kaangtanan sa pagpamatay ukon sa kaso nga murder kag attempted murder.
Wala pa mahibaluan sang mga kapulisan kun ano ang motibo sa amo nga pagpang-atake apang wala ini ginkabig bilang isa ka terror-attack.
