Naandan na naton nga kun kagton gani kita sang mga insekto, gilayon naton ini gina hampak sang aton palad para ma mapatay.
Imbes mahim-os ang isa ka Chinese nga lalaki sa pagpatay sini sa insekto nga nagkagat sa iya, nagtuga pa gid ini sang mas lala nga problema.
Si Wu sang Shenzen, China ang ginkaksan sang kalimutaw bangud sang isa ka bacterial infection nga naglab-ot sa iya utok matapos sini gin hampak ang isa ka drainfly sa iya guya.
Advise sang mga doktor nga kun may insekto nga magtupa sa guya, kun mahimo, tabugon na lang ini agud maghalin. Ini bangud madamo sang mga langaw ukon insekto ang may dala nga makamamatay nga bacteria.
Natukiban nga na impito si Wu bangud sa insekto amo kun ngaa sang nagtupa ini sa iya guya, ginpatay niya ini gilayon. Isa ka oras ang makaligad, nag umpisa na pula kag habok ang iya mata sa diin naglala pagid ini dugay.
Sang nagpalapit ini sa ospital halos nadula na ang iya panan-awan kag na iritar na ang palibot sang iya nga mata.
Diri ginrekomendar na lang sang doktor nga operahan kag kakson ang kalimutaw sini agud indi na maglala pa ang iya kondisyon.
