Nagpaguwa sang Cease and Desist Order (CDO) ang National Historical Commission of the Philippines (NCHP) sa pag-demolish sang Talave Bridge sa ciudad sang San Carlos nga ginakabig isa ka “heritage bridge”. Sa sulat sang NHCP kay Mayor Rene Gustilo, nakalab-ot na sa ila igtalupangod ang pag-demolish sang taytay apisar wala sang clearance. Ini sa tunga sang pending petition nga dulaon ang designation sang taytay bilang important cultural property (ICP).
Suno sa NHCP, wala pa nadesisyunan ang petisyon nga dulaon ang presumption sang Talave Bridge bilang ICP gani wala dapat sang anuman nga himuon sa nasambit nga propiedad.
Suno pa sa NHCP, ang pag-demolish sang Talave Bridge nga wala sang clearance ahensiya ang paglapas sa
Article il, Section 5 sang Republic Act No. 10006 as amended by Republic Act No 11961. Naka-attention man sa sulat sang NHCP si Director Nerie Bueno sang Department of Public Works and Highway Region 6.
Nahibaluan nga ang DPWH ang nag-demolish sang taytay. Ang ini nga taytay ang ginapatihan gintukod sadtong 1933 kag ginakonsiderar nga heritage structure kag ang nagapabilin nga pre-war bridge sa bug-os nga probinsya sang Negros Occidental.
Ang ini nga taytay ang nahibaluan gintukod sang United States Steel Products Company kag nagakonekta sang ciudad sang San Carlos kag banwa sang Calatrava.
