Isa ka residential fire ang nagluntad sa Purok Kingfisher A, Brgy. 16, Bacolod City mga las-2:00 sini nga kaagahon, Agosto 1, 2024.
Gilayon naman nga nakaresponde ang mga fire trucks sa Bacolod kag amat-amat napalong ang kalayo. Sa initial nga impormasyon nga nakuha sang DYHB, 10 ka balay ang totally damaged samtang lima naman ang partially damaged sa sunog. May duha man ka motorsiklo nga nasunog.
Samtang nakaangkon naman ang Purok President sang Kingfisher A nga si Alejandro Tiad matapos ini nga nagbalik pa sa sulod sang ila balay kag may ginkuha. Ginpahayag nga nahulog ini sa hagdan kag nalipungan apang gilayon naman nga na-rescue kag gindala sa hospital.
Ginapahayag nga nagsugod ang kalayo sa balay ni Gerald Arroyo sa diin may napabay-an nga ginsindihan nga mosquito killer. Si Arroyo ang ginapahayag nga nagapanghimo man sang balloon.
