Ginakalipay ni Negros Power President kag CEO Roel Castro, ang pagpirma ni President Ferdinand Marcos Jr. sang prangkisa para Negros Electric and Power Corporation (NEPC) ukon Negros Power nga maga-take over sa management sang Central Negros Electric Cooperative (CENECO).
Sa interview sang DYHB kay Castro, ginpahayag sini nga pagpirma sang PBBM sa kasuguan ang nagapakita nga luyag sini nga mapaayo ang serbisyo sang kuryente sa mga konsumidor.
Dugang pa ni Castro, ginkalipay man ang NEPC nga matuman ang ginalauman nga maayo nga serbisyo sang mga konsumidor sa pihak nga madamo pa sang ubrahon kag mga rehabilitasyon agud mapaayo ini.
Suno pa kay Castro, maga-agi pa sa karon ang layi sa evaluation para sa Certificate of Public Convenience and Necessity agud mangin effective na, apang nakahanda naman ang NEPC agod nga magtake-over sa Agosto.
Samantang, nagahingyo naman si Castro sa mga kunsomedor nga hatagan sila sang panahon agod nga hitsuhon ang mga dapat nga hitsuhon para sa improvement sang electric service.
Madumduman nga ang amo nga prangkisa para maserbisyuhan ang mga pumuluyo sang Bacolod, Silay, Talisay, kag Bago subong man ang mga municipalidad sang Murcia kag Don Salvador Benedicto sa probinsya sang Negros Occidental sa sulod sang 25 ka tuig.
