Gindesignar nga officer-in-charge sang Bacolod Traffic Authority Office (BTAO) ang City Legal Officer nga si Atty. Romeo Carlos Ting Jr.
Ini bangud sang pag-file sang vacation leave ni BTAO head Patrick Lacson sugod sang Hulyo 29, 2024.
Si Lacson ang magabakasyon sang 15 dias.
Juliet
Juliet Alimodian Panes
LOCAL NEWS/ AUGUST 1
Magabutang sang officer in charge ang Guinpana-an Elementary School sa banwa sang Moises Padilla matapos nga nagtaliwan ang ila principal bangud sa aksidente nga nahulog ini sa hagdan samtang pagpanglimpyo sa atop sang classroom, nakaligad nga Domingo, Hulyo 28.
Suno kay Ian Arnold Arnaez, spokesperson sang Department of Education (DepEd) Division of Negros Occidental, ang eskwelahan ang maga-deisgnate sang senior teacher nga amo ang mangin OIC samtang wala pa sang na-appoint nga principal ukon school head matapos nagtaliwan si principal Reynaldo Mojares, 61-anyos. Sa nahibaluan nga kaina sang udto nagtaliwan sa hospital si Mojares matapos nga nangin kritikal ang kondisyon matapos ang aksidente sang Domingo.
Sandig sa una nga interview sang DYHB kay Arnaez, nahibaluan nga nagpadulong sa buluthuan ang principal, kaupod sang iya nga asawa, kag co-teachers niya agod maghingagaw panlimpyo kadungan sa pagbukas sang klase pagkwa-bwas nga adlaw, Hulyo 29. Mga kapin alas-5 sang hapon sang amo nga adlaw, naga-isahanon nga nagsaka sa atop si Mojares bangod nakita niya nga may mga dahon pa nga nabilin sa atop, amo nga iya ini gintinluan.
Sa pagpanaog ni Mojares sa hagdan nagikan sa atop, wala sang may nagakapyot sang hagdan nga iya gingamit amo nga na-slide ini kag nagresulta sang iya pagkahulog. Suno kay Arnaez natam-an ang ulo kag spine sang principal sa iya pagkahulog.
